ကျွန်တော်လမ်းလျှောက်နည်းပါသည်။ သို့သော် ဒီနေ့တော့ မနက်စောစောအိပ်ယာနိုးတာနဲ့ လမ်းထွက်လျှောက်တယ်၊ ပြီးတော့ လုပ်စရာကိစ္စလေးရှိတာနဲ့ မြို့ထဲကိုပါ ဆက်သွားဖြစ်ခဲ့တယ်။ ကိုယ်နေတဲ့နေရာကနေ ထထွက်မိတာနဲ့ အတွေ့အကြုံအသစ်တွေပဲ ထပ်တလဲလဲတွေ့ရတော့ တာပဲ။ ကျွန်တော့်အတွက်သာ သစ်နေတာပါ။ လူများစုအတွက်တော့ ဟောင်းနွမ်းနေလောက်ပါပီ။
ကျွန်တော်ပြောချင်တာကဗျာ။ ကျွန်တော်အလုပ်သွားအပ်တဲ့ ဆိုင်က အလုပ်ရှင်တွေအကြောင်းပါ။
အလုပ်ရှင်ဟာ အလုပ်ရှင်ပီသစွာ ကိုယ့်အလုပ်သမားတွေကို စီမံကွပ်ကဲတတ်ဖို့လိုတယ်ဆိုတာ ကျွန်တော်လက်ခံပါတယ်။ ဒါပေမယ့် ကိုယ့်အလုပ်သမားလေးတွေကို လိုတာထက်ပိုပြီး ပိုင်စိုးပိုင်နင်း ငေါက်ငမ်းနေတာတော့မကောင်းဘူးပေါ့ဗျာ။ ဒီနေ့ အဲ့ဒိအလုပ်ရှင်ဆိုသူက သူ့ရဲ့အလုပ်သမားလေးကို ငေါက်ငမ်းနေလိုက်တာဗျာ၊ ကျွန်တော်တို့ရှေ့ လူတွေကအများကြီးပဲ။ အလုပ်သမားမှာ ဘာမှလည်းပြန်ပြောလို့မရဘူး။ မခံနိုင်လို့ တစ်လုံးစ နှစ်လုံးစပြန်ပြောတိုင်း အလုပ်ရှင်က ပိုပိုပြီ ဆိုးလာတယ်။ အဲ့ဒိတော့ အလုပ်သမားလေးက မချစ်သော်လည်းအောင့်ကာနမ်းဆိုသလို ငြိမ်ခံလိုက် ရတော့တာပေါ့။ ကျွန်တော်တို့လည်း လက်ပိုက်ကြည့်နေရရုံပေါ့။ဒါကအလုပ်သမားနဲ့ အလုပ်ရှင် အဖြစ်ပျက် ပဲရှိ သေးတယ်။
ကျွန်တော့်သူငယ်ချင်းရဲ့အဖြစ်အပျက်လေးပြောပြဦးမယ်။ သူက တော်တော်တော့ရိုးသားတယ်ပြောရ မယ် ကျွန်တော်နဲ့စာရင်လေ။ သူ့မှာ သူငယ်ချင်းမိန်းကလေးတစ်ယောက်လည်းရှိတယ်။ အဲ့ဒိမိန်းကလေးက သူ့အပေါ်မှာ ကောင်းသင့်သလောက်တော့ကောင်းပါတယ်။ ဆိုးလည်းဆိုးတယ်။ ဥပမာ-- ကျွန်တော့် သူငယ်ချင်းမှာ အကူအညီတစ်စုံတစ်ရာ လိုလာရင် သူက အမြဲကူညီတတ်တယ်။ ဒါပေမယ့် သူကူညီ ရတာ နဲ့တန်အောင် ပြန်ယူတယ်။ ကျွန်တော့်သူငယ်ချင်းကို သူပြောပိုင်ခွင့်ရှိတာထက်ပိုပြီး အထက်စီး ဆန် ဆန် ပြောလာတယ်။ ပြိးရင်ျနှိမ်းလာတယ်။ လေးစားမှုလေးတွေနည်းလာတယ်ဗျာ။ သူကတစ်စုံတစ် ရာပေး ပြီးရင်လည်း ပြန်တောင်တဲ့အခါ ကျွန်တော့်သူငယ်ချင်းပြန်မပေးနို င်လောက်တာ ကို ပြန်တောင်းတယ်။ မတရားဘူးပေါ့ဗျာ။ ကူညီမှုတွေကို ဘန်းပြပြီး ကျွန်တော့်သူငယ်ချင်းကိုမလေးစား ဘူးဆိုတာတော့ လုံးဝ မကောင်းတဲ့ သဘောသဘာဝကြီးပါဗျာ။ ခင်ဗျားလည်း ဒါမျိုးတွေကြုံဖူးမှာပါ။ အလုပ်သမားဖြစ်တော့ အလုပ်ရှင်ကြည်ဖြူအောင်၊ တပည့်ဖြစ်တော့ ဆရာသမားကြည်ဖြူအောင်၊ အကူအညီတောင်းတော့ ကူညီပေးတဲ့သူကြည်ဖြူအောင် နေပြနေရတာမျိုး၊ အပြောအဆိုအကြိမ်းအမောင်း ခံနေရတာမျိုးတွေလေ။
ပြီးတော့ရှိသေးတယ်ဗျာ။ မြို့ရောတောရောပေါ့ ပစ္စည်းဥစ္စာလေးတွေရှိလာပြီဆိုရင် သာမာန်လူတွေနဲ့ ကွဲပြားခြားနားစွာ နတ်ဒေ၀တာများဖြစ်သွားသလိုလို အမူအရာ ဆက်ဆံပြုမူပုံတွေလေ။ ဒါတွေကလည်း အထူးအဆန်းကြီးလို့ကျွန်တော်ထင်နေတာဗျ။ ဘယ်ဟုတ်မလဲ။ ဘုရားရှင် ရဲ့တရားတော်တွေထဲက မယ်သာမာတို့ နန္ဒကျွန်တို့လိုလေ ပစ္စည်းဥစ္စာမြှုပ်နှံထားတဲ့ မြေကြီးလေးပေါ်နင်မိရုံနဲ့တင် သာမာန် ကောင်းမွန်တဲ့စိတ်လေးတွေက မာန်မာနထောင်လွှားတဲ့စိတ်ကလေးတွေပေါ်ပေါက်လာကြ တာလေ။ လူ့ရင်တွင်းထဲကမကောင်းတဲ့သဘာဝတွေကကြောက်စရာတော်တော်ကောင်းတာပဲ။
မြန်မာတွေပိုဆိုးတယ်ထင်တာပဲ။ နိုင်ထက်စီးနင်းလုပ်မှု။ လူ လူချင်းမလေးစားမှု၊ အမျိုးမျိုသောပြုမူမှုတွေ ဟာ လူတွေလက်ညှိးထိုးနေတဲ့ လက်ဟောင်းသားငမိုက်တွေပဲမဟုတ်ဘူး။ မြန်မာနိုင်ငံက လူတွေမှာ အဲ့ဒိရောဂါတွေ တော်တော်များများကူးစက်နေတာပဲ။ ဒါကျွန်တော့်ပတ် ၀န်းကျင် မှာ တွေ့ရ သလောက် ပဲ ပြောပြတာပါ။ တကယ်ဗျာ ကျွန်တော်လူတွေကိုမမုန်းပါဘူး လူတွေရဲ့အတွင်းစိတ်ဓာတ် သဘောသဘာဝ ဆိုးတွေကို တော်တော်ကို မုန်းမိတယ်။ ကျွန်တော့်မှာလည်း အဲ့ဒိလိုသဘောသဘာဝဆိုးတွေရှိတယ်လေ။ အဲ့ဒါတွေရှိနေတာကို မြတ်စွာဘုရားရှင်က ဟောပြမှသိရတာ။ သိရသလောက် လိုက်သတ်တာတောင် အဲ့ဒိ သဘောသဘာဝဆိုးကြီးတွေက သောင်းကျန်းနေသေးတယ်။ လုံးဝသာမသိရရင် လူသားတွေ ဘယ်လိုများ အတ္တတွေ လောဘ မာန်မာနတွေနဲ့ လူးလှိမ့်နေကြမလဲမသိဘူးဗျာ။
အဲ့ဒါကြောင့် အခုနေများ မြတ်စွာဘုရား ကျွန်တော့်ရှေ့ကိုရောက်လာရင် အကြိမ်ပေါင်းများစွာ ရှိခိုးလိုက်ချင်တယ်။ ခင်ဗျားတို့လည်း ကျွန်တော့်လိုပဲဖြစ်မှာပါ။ မြတ်စွာဘုရားသာ သက်တော်ထင်ရှားနဲ့ ခင်ဗျားတို့ရှေ့မှာ လာပြီးအဖူးမြှော်ခံမည်ဆိုလို့ကတော့ ကျွန်တော်ထင်တယ် ၀မ်းသာလုံးဆို့ပြီး ကမ္ဘာလောက ကြီးကိုတောင်မေ့သွားမယ်ထင်တယ်။ ဘာလို့လဲဆိုတော့ဗျာ။ လူတော်တော်များက လူ့ပြည်၊ နတ်ပြည်၊ ငရဲပြည်စတဲ့အရာတွေကိုသိရရုံနဲ့ ရှိခိုးနေကြတာဗျာ။ ပြီးတော့ ငရဲပြည် နတ်ပြည်တွေနဲ့ပဲ ငြင်းခုံ ပြီး ဘုရားကို မယုံကြည်သလိုလို ဘာလိုလိုပြောနေကြတာ။ ခင်ဗျားသိတဲ့အတိုင်းဘဲလေ မြင့်မိုရ်တောင်က ဘယ်မှာလဲ ဆိုတာကို လိုက်ရှာနေလိုက်ကသေးတယ်။ တကယ်က အဲ့ဒါ ဘာဟုတ်သေး လို့လဲ ။ တကယ့် လူတွေ၊တိရစ္ဆာန်တွေ အိုဗျာ... သတ္တ၀ါတွေအားလုံးရဲ့ စိတ်သဘောထား အကောင်းအဆိုး တွေကို ထုတ်ပြ၊ ပြီးတော့ အကောင်းကို ဆောင်ခိုင်း၊ အဆိုးတွေကိုရှောင်ခိုင်းတာတွေက မှ တကယ့် ဘုရားရှင်ရဲ့ ပစ်မှတ်ပဲမဟုတ်လား။ ကျွန်တော်တို့ကတော့ အဲ့ဒါကြောင့်ကို မြတ်စွာဘုရားကို ရှိခိုးပါရစေလို့ ဆုတောင်းလိုက်ရတာပါ။ မြင့်မိုရ်တောင် ရှာမတွေ့တော့ရော ဘာဖြစ်တော့မှာလဲ။ ကျွန်တော်ပြောမယ် ခင်ဗျားတို့လည်း ယုံကြည်မှုတွေ မလွဲစေနဲ့ဗျာ။ ခင်ဗျားသန္တာန်မှာ ဘုရားဟောတဲ့သဘာဝတွေကတော့ ရှာနေစရာလိုမယ်မထင်ဘူးဗျာ။
