ရူးမှန်းသိသွားပီ

ပုထုဇ္ဇနော ဥမ္မတ္တကော ဆိုတာဟုတ်လား
ကျွန်တော်တွေးမိတယ်။ လူတစ်ယောက်လုပ်နေသမျှ၊ လှုပ်ရှာနေသမျှကို 24 နာရီလောက် ထိုင်ကြည့်ကြည့်ပါလား။ အဲ့ဒိလူရူးနေမှန်းသိသွားလိမ့်မယ်။ ကျွန်တော်ရဲ့ဖြစ်စဉ်လေးပဲကြည့်လိုက်လေ။ ဒီနေ့ ကျွန်တော်ဘာတွေလုပ်နေတယ်မှတ်လဲ။ မနက်မိုးလင်းတော့ အိပ်ယာကထတယ်။ မျက်နှာသစ်ခြင်း၊ နံနက်စာစားခြင်းများပုံမှန်လုပ်လိုက်တယ်။ ပြီးတော့ စာနည်းနည်းဖတ်တယ်။ 10 နာရီလောက်ရှိတော့ ရေချိုးမယ်ဆိုပြီး ရေချိုးခန်းရှိရာဘက်သို့ထွက်လာတာပေါ့။ ရေချိုးခန်းနားရောက်တော့ စိတ်ထဲမှာ တီဗွီကြည့်ချင်စိတ်ပေါက်လာတာနဲ့ ရေခွက်လေးချပြီး တီဗွီခန်းထဲဝင်သွားတယ်။ တီဗွီကြည့်လို့မှမကြာသေးဘူး။ လူတစ်ယောက်ဆီဖုန်းဆက်ချင်လာတယ်။ ဖုန်းကောက်ဆက်တယ်။ ဖုန်းပြောရင်းနဲ့ကျွန်တော့်အခန်းထဲပြန်ရောက်လာပြန်တယ်။ သီချင်းနားထောင်ချင်တာနဲ့ ကွန်ပြူတာလေးကောက်ဖွင့်သီချင်းနားထောင်လိုက်တယ်။ ကျွန်တော်က ကွမ်းလည်းစားတတ်တော့ သီချင်းနားထောင်ရင်း ကွမ်းစားချင်တာနဲ့ ဘေးဘီလိုက်ကြည့်လိုက်ရော။ ကွမ်းယာကမရှိဘူး။ ဒါနဲ့ ကွန်ပြူတာပိတ်ပြီး ကွမ်းဆိုင်ဘက်ထွက်လာတယ်။ ကွမ်းထုတ်ပီးဘက်စ်ကားမှတ်တိုင်နားရောက် တော့ ရန်ကုန်ရောက်နေတဲ့ရွာသားတွေဆီအ

လည်သွားလိုက်ပါဦးမယ်ဆိုပြီး သွားလိုက်တာ နံနက်ဆယ်နာရီက ရေချိုးမယ်ဆိုတဲ့ရည်ရွယ်ချက်ဘယ်ရောက်သွားမှန်းမသိတော့ဘူး။ ညနေလေးနာရီကိုယ့်အဆောင်ပြန်ရောက်မှ ရေချိုးဖြစ်တော့တယ်။ ဒီလိုပဲ ကျွန်တော်တို့လူသားတွေက စိတ်ထဲမှာပေါ်လာရင် ပေါ်လာတဲ့အတိုင်းလိုက်လုပ်မိနေတယ်။ ဒါကို သတိမထားမိတော့ ကိုယ့်ကိုယ်ကို ရူးမှန်းမသိရဘူး။ တစ်ခါတစ်ရံရည်ရွယ်ချက်ကပြောက်နေတတ်တယ်။ ကျွန်တော်တို့ရွာက လူတစ်ယောက်ဆို ထမင်းစားရင်း ငရုတ်သီးလေးစားချင်လို့ဆိုပြီး အိမ်အောက်ဆင်းပီး ငရုပ်သီးသွားခူးတာ။ နောက်သုံးလလောက်မှအိမ်ပြန်ရောက်လာတယ်။ ရည်ရွယ်တာကို ရည်ရွယ်တဲ့အတိုင်းမလုပ်ဘဲ။ စိတ်ထဲဖြစ်လာတဲ့စိတ်ကူးတိုင်းကိုလိုက်ပြီးဖော်ထုတ်တော့တာပဲ။လူတွေမှာ သမာဓိဖြစ်လောက်တဲ့မယ်မယ်ရရအလုပ်တစ်ခုကို ပုံမှန်လုပ်နေရင်သာ အဆင်ပြေတယ်။ ဒီလိုမဟုတ်ဘဲ အားအားယားယားနေနေမယ်ဆိုရင် ရူးမှန်းသိသာလာလိမ့်မယ်။ ဒါကျွန်တော်ထင်တာပြောမိတာပါ။ ဘုရားဟောထားတဲ့ စကားလေးက ပုထုဇ္ဇနော ဥမ္မတ္တကော တဲ့ ဟုတ်လား၊ မဟုတ်ဘူးလား နည်းနည်းလေးသတိထားကြည့်ပေါ့ဗျာ။။။။။။။။။။